కేంద్ర మంత్రిని కలిసిన ఎమ్మెల్యే గొల్లపల్లి

యానాం మెట్టజ్యోతి: యానాం నియోజకవర్గం కేంద్ర మత్స్యశాఖ మంత్రి డాక్టర్ ఎల్.మురుగన్ ను యానాం ఎమ్మెల్యే గొల్లపల్లి శ్రీనివాస్ అశోక్ కలిశారు. పుదుచ్చేరిలో అమలు కావాల్సిన వివిధ కేంద్ర ప్రాజెక్టులకు సంబంధించి సమీక్ష చేసేందుకు గాను ఆయన పుదుచ్చేరి విచ్చేశారు. ఈ మేరకు కేంద్రమంత్రిని ఎమ్మెల్యే గొల్లపల్లి కలిసి యానాం ప్రాంతంలోని మత్స్యకారులు అందించాల్సిన వేట నష్టపరిహారం నిధులను వెంటనే విడుదల చేసే విధంగా చర్యలు తీసుకోవాలని కోరారు. అలాగే పలు పథకాల అమలు పైన చర్చించారు. కేంద్రమంత్రిని శాలువాతో ఎమ్మెల్యే గొల్లపల్లి సత్కరించారు.